كـلـمـات مـلـيـانـه اهـات

■ محدش عايشها بالساهل.. ديه دنيا والله ما تستاهل.. بنطلع منها بخسارة.. بنعشق واما نفهمها، بتقلب وشها التانى.. ونبدأ نشقى ونعانى.. صحيح الدنيا غدارة.. قلوب تايهة وبتفكر.. وبتقول هو ده مقدر.. نعيش فى الدنيا مش اكتر..

يدوب نفضل كده حيارى.. غرامنا كله على الفاضى.. حياتنا ماشيه كده عادى.. وبرجع برضه اقول راضى.. محدش عايشها بالساهل.. يا قلبى كله فى الآخر مسافر ماشى من الدنيا.. ليه تتعب هون الدنيا.. لتتعب انت فى الآخر.. وحاول تنسى أحزانك.. جراحك انت تداويها.. حياتك خطوة عديها. وتخلكش ف مكانك.

■ تعبت منك يامصر ومن بلاويكى.. با احبك ايوه با احبك.. وباكره حبنا ليكى.. شايف بعينى ياعينى اللى عراكى.. لاقادر اسكت ولا قادر أغطيكى.. شارية اللى بايعك وبتبيعى اللى شاريينك.. حبه اللى كارهك وبتحبى اللى كارهيينك.. طارده اللى دمه بيجرى فى شرايينك.. ومستعد يضحى لاجل يحميكى!

شربنا المر لكيعانا احنا ولاد مصر المطحونة.. ساكتين الله يعينا كل حاجة حمرة ومجنونة.. راح مستقبل ولادنا تايهين فى دنيا حلزونة.. البلد بلد أبونا والغرب بيطرودنا.. اخويا وابن عمى وابن خالى غرقوا فى علبة تونة.. ناس بتأكل طوب ومونة.. وناس بتبلبع حبوب ليونة.. غطينا وصوتى واعصرى علينا يا مصر لمونة!

الحزب الوطنى وحكامنا.. غلوا طعامنا.. خلونا نلحس طبق الفول.. لا عدنا لاقيين ملوخية.. ولاطعمية.. ولاحتى سردينة مقلية.. ولا ام الخلول.. وهما يأكلوا حاجات مشوية.. لا أعرف أنا لا أنت.. إيه هيه.. والكرش يطول.. يارب لو يأكلوا اللحمة.. يحسوا بزحمة.. ويفرفروا ويأخذوا محلول.

■ يـــارب إنـــت الــعــالـــم.. يـــارب إنــت الـــرزاق.. عـمرك مـا بـتـنسـى حــد عـلـشـان أنـت الـخـلاق.. وعمرك ما فى يوم تفرق.. بين وزير كان أو حلاق.. والــكــل بــيـاخـذ رزقــه.. زمـالـك أو كـان بـولاق.. والــدنـيـا طــايـره بــيـنا وكــأنــنــا فــى ســبـاق.. شــبــاب كــثــير بتهاجـر.. ولأهــلــهـــا بــتـشـتاق.. صـاحـب شـهـادة عـالـية.. راح يـشــتــغـل سـواق.. غـلبان ونفسه فى أوضة.. فـى حارة أو كان زقاق.. ودمــــعـــة أم بــتــنـــزل.. مـا بـيـن لـقا وفـراق.. فــوضــت أمــرى لــيــك.. عـلـشـان أنــت الخـلاق .

■ حدوتة حدوتة.. تجمعهم حواديت.. فينا حواديت وحواديت.. مرة ملتوتة ومرات مرة.. تقسم الضهر نصين.. وياجبل مايهدك ريح.. وأدينا ماشيينه طريق.. علينا حمول.. عنينا بتقول.. لصفر مش هنعود.. وحياتنا هنعيشها يوم بيوم.. ولادامت علينا هموم.. بكره السما تصفا.. وتتزاح غيوم ونشوفها نجوم.. وياجبل مايهدك ريح.. وأدينا ماشيينه طريق.. الكتف فى الكتف صديق.. أحباب الإيد فى الإيد.. أصحاب أملنا وليد.. وامبارح وبكرة شريان ووريد.. وياجبل مايهدك ريح.. وآدينا ماشيينه طريق.. نحكى حواديتنا أغانى.. بكرة يسمعنا اللى جى ورانا.. وبكرة هييجى يلقانا.. حمول بتزيد.. وأمل جديد.. وماشيينه طريق.. وياجبل مايهدك ريح.

■ أنا واقف فى طابور.. والعيش أوام خلص.. أصل الأرض بور.. والطحان ملص.. القطن مازرعهوش.. وزرعوا بداله فراوله.. كسبوا كتير الهاموش.. وخدوها مقاولة.. والقصب فين ياحلاوة.. دا ساب الصعيد واصل.. بيستورده من جاوة.. واهو هو دا اللى حاصل.. والفول جابوه م الصين.. بكره يجيبوه مدمس جاهز.. وخاصة من بكين.. وده فى الفرص ناهز.

ف العصر المليان ألغاز.. عصر الذرة وعصر الدش.. والمفروض عصر الحرية.. حاسس إن أنا مقهور.. مغلوب وباموت! عمال بتكلم ع الفاضى.. ومش سامع صوت! طب ما أنا فرد ف وسط العالم.. أيوه أنا فرد.. لكن حاسس إن أنا قرد.. ف وسط الغابة.. اللى حاكمها كلاب وديابة.. تعمل إيه لو كنت مكانى؟.. رد يا صاحبى وقول ماتخافش.. يمكن ردك ده يريحنى.. لو كان حتى يادوب ما أعرفش.!!

دة كلامك كلام موزون

وغير الحق فى كلامك ما تقول

بس هنعمل اية ادى حياتنا
بش لغير الله مذلة
تحياتى لكلماتك
تسنيم

تحية للجميع منكم على ردودكم الجميلة
وطمعا الموضوع وصاحب الموضوع هم الاجمل

مشكوووووووووووووووووووووووووووور